കുന്നംകുളം നഗരസഭ അനക്സ് കെട്ടിടത്തിന് സാങ്കേതിക അനുമതിആറ് മാസത്തിനകം നിർമാണം പൂർത്തിയാക്കും

ആധുനിക സൗകര്യങ്ങളോടുകൂടി നിർമിക്കുന്ന കുന്നംകുളം നഗരസഭയുടെ അനക്സ് കെട്ടിടത്തിന് സാങ്കേതിക അനുമതി ലഭിച്ചു. എ.സി. മൊയ്തീൻ എം.എൽ.എയുടെ 2023-24 വർഷത്തെ ആസ്തി വികസന ഫണ്ടിൽ നിന്ന് 2.20 കോടി രൂപ ചെലവഴിച്ചാണ് കെട്ടിടം നിർമിക്കുന്നത്. ആറ് മാസത്തിനകം നിർമാണം പൂർത്തിയാക്കുകയാണ് ലക്ഷ്യം. ഇതിനായുള്ള ടെണ്ടർ നടപടികൾ ഉടൻ ആരംഭിക്കും.

മൂന്ന് നിലകളിലാണ് അനക്സ് കെട്ടിടം നിര്‍മ്മിക്കുന്നത്. 9392 ചതുരശ്ര അടി വിസ്തീര്‍ണത്തില്‍ നിര്‍മ്മിക്കുന്ന അനക്സില്‍ ബേസ്മെൻ്റ് ഫ്ലോര്‍, ഗ്രൗണ്ട് ഫ്ലോര്‍, ഒന്നാം നില എന്നിങ്ങനെയാണ് ഒരുക്കുക. ലിഫ്റ്റ് സൗകര്യവും ഉണ്ടാകും. ഗ്രൗണ്ട് ഫ്ലോറിലും ഒന്നാം നിലയിലുമായി ഓഫീസ് പ്രവർത്തനങ്ങൾ സജ്ജീകരിക്കും. വിശാലമായ പാർക്കിം​ഗ് സംവിധാനവും ഫ്രണ്ട് ഓഫീസും അനക്സിൻ്റെ പ്രത്യേകതകളായിരിക്കും.