ഓ.ഐ.സി.സി കുവൈറ്റിന് പുതിയ നേതൃത്വം പ്രഖ്യാപിച്ചു

15/11/2025 Habibulla Muttichoor

കുവൈറ്റ്: ഇന്ത്യൻ കോൺഗ്രസിൻ്റെ പ്രവാസി സംഘടനയായ ഒവർസീസ് ഇന്ത്യൻ കല്ചറൽ കോൺഗ്രസ് (ഓ.ഐ.സി.സി) കുവൈറ്റ് ചാപ്റ്ററിൻ്റെ പുതിയ നേതൃത്വ പ്രഖ്യാപനം നടന്നു. സംഘടനയുടെ വാർഷിക പൊതുയോഗത്തോടനുബന്ധിച്ചാണ് പുതിയ ഭാരവാഹികളെ പ്രഖ്യാപിച്ചത്. സംഘടനയുടെ കേന്ദ്ര പ്രവർത്തനങ്ങളിലും വിവിധ സാമൂഹിക-സാംസ്‌കാരിക പരിപാടികളിലും സജീവ പങ്കാളിത്തം പുലർത്തിയിരുന്ന സാമൂവൽ കാട്ടൂർ കളീക്കൽ കുവൈറ്റ് ചാപ്റ്ററിൻ്റെ പുതിയ പ്രസിഡൻ്റായി നിയമിതനായി.

നിലവിലെ പ്രസിഡൻ്റ് വർഗീസ് പുതുകുളങ്ങരയും വൈസ് പ്രസിഡൻ്റ് എ ബി വാരിക്കാടും സംഘടനയുടെ ഗ്ലോബൽ കമ്മിറ്റിയിലേക്ക് തിരഞ്ഞെടുക്കപ്പെട്ടു. സംഘടനയുടെ പ്രവർത്തന ചുമതലകൾ കൈകാര്യം ചെയ്തിരുന്ന ജനറൽ സെക്രട്ടറി ബി.എസ്. പിള്ള വർക്കിംഗ് പ്രസിഡൻ്റായി നിയോഗിക്കപ്പെട്ടു. നിസാം തിരുവനന്തപുരം പുതിയ ജനറൽ സെക്രട്ടറിയായി തെരഞ്ഞെടുക്കപ്പെട്ടു. പുതിയ കമ്മിറ്റിയിൽ 6 വൈസ് പ്രസിഡൻ്റുമാർ, 9 ജനറൽ സെക്രട്ടറിമാർ, 10 സെക്രട്ടറിമാർ, കൂടാതെ ട്രഷററും ജോയിൻ്റ് ട്രഷററും ഉൾപ്പെടുന്നു.